Rebilitasiya itirilmiş funksiyaları bərpa etməyə yönəlmiş tədbirlər kompleksidir. Klinikamız müasir aparat üsullarından istifadə edərək hərəkət funksiyasının bərpasına, həmçinin fizioterapiya və terapevtik məşqlərin daxil edilməsinə diqqət yetirir..

Travmatik pleksit (“akuşer” iflici) - uşağın yuxarı ətrafının süst iflicidir. Bazu kələfinin anadangəlmə travmasıdır, tez-tez hipoksik zədələnmə ilə müşayiət olunur. Zədələnmiş qolda tonusun va hərəkətliliyin azalması, həssaslığı və yerli termorequlyasiyanın pozulması ilə özünü göstərir. Vaxtında müalicə olunmadıqda əzələ kontrakturasına səbəb olur. Mualicə ətrafın vəziyyətinin normallaşdırılması, innervasiyanin (sinir təchizatının) yaxşılaşması və kontrakturaların profilaktikasına yönəlmişdir..

Skolioz onurğa sütununun sağ və ya sol yana əyilməsi ilə xarakterizə olunan deformasiyası olub “S” ya da “C” formasını alır. Onurğa əyri olduqda, fəqərələr rotasiya edir və bu, onurğanın döş hissəsində olarsa, qabırğa qabarıqlığı, bel-oma nahiyyəsində isə asimmetriya ilə nəticələnə bilər. Əyrilik döş qəfəsinin həcmini azaldır. Vaxtında müalicə olunmayan əyriliklər ürək, ağciyər və s. orqanlara təzyiq edərək ciddi fəsadlar yarada bilər. .

Kifoz onurğanın anormal şəkildə irəli əyilməsi və arxa tağların lazım olduğundan daha çox əyilməsidir. Kifozun əlamətləri və simptomları əyriliyin səbəbi və şiddətindən asılı olaraq dəyişir. Fizioterapiya kifozun müalicəsində əsas müalicə variantıdır. Fizioterapevt xəstənin vəziyyətini qiymətləndirir və onurğa əzələlərini gücləndirmək, elastikliyi və düzgün duruşunu artırmaq üçün xüsusi idmanlar, elekroterapiya prosedurları və manual terapiya üsullarını tətbiq edir..